كيكه إسفنجيه سويها بالطريقه إللي إنت ترتاحين عليها
انا طريقتي خفقت ثلاث حبات بيض مع ربع كاسه زيت وكاسه إلا ربع سكر وشويه فانيليا حتى صارت مثل الكريمه
بعدين أضفت لها كاسه ونصف دقيق وملعقه بكنج باودر وخفقتها مرة ثانيه وبعدين صبيتها في الصينيه ودخلتها
الفرن على نار هادئه وبعد 40 دقيقه خرجتها وخليتها تبرد
مقادير الخلطه :
خمس ملاعق حليب باودر ، قشطه ، بياله شاهي سكر ناعم ، ظرفين دريم ويب ، ملعقه بودرة كاكو ، ظرف كريم كارميل
خلطت جميع المقادير السابقه مع بعض بإستثناء الكاكو والكريم كارميل عشان الالوان ما تتخربط
وقسمت الخلطه اربع اقسام القسم الكبير اضفت له الكريم كارميل وصبغه صفراء، وقسم اضفت له بودرة شكلاته ، وقسم
ثالث اضفت له صبغه حمراء ، والقسم الاخير خليته مثل ماهو ابيض
قسم الشكلاته خليته في كيس لحمه حتى يساعدني في تحديد الملامح
جبت فنجالين قهوة كبيرة وحطيتها في الصينيه حتى تكون عيون سبونج بوب
دهنت وجه الصينيه بالخلطه الصفراء وبعدين شلت الفناجين ودهنتها باللون الابيض من الخلطه
وبعد كذا حددت ملامح سبونج بوب بالقسم الثالث الشكلاته ورسمت اللسان بالخلطه الحمراء
بعد ما خلصت من رسم سبونج بوب
إن شاء الله يعجبكم سبونج بوب
0 التعليقات:
إرسال تعليق