بتكفي 6 اشخاص,وقت التحضير اقل من ساعة,
مقادير الاكلة
- نصف كيلو دقيق (وشويه زياده على جنب مقدار كوبايه مثلا علشان لو احتجناها فالعجن)
- معلقة سكر كبيرة
- ملعقة خميرة فوريه كبيرة (ياريت تقروا ضهر الغلاف بتاعها انها بتتحط عالدقيق عالطول وماتكونش بتدوب فى مايه الاول )
- ربع كيلو لبن دافئ
- 2بيض
- معلقة صغيرة ملح
- فنجان شاى اللى فالطقم الصينى زبده بدرجة حرارة الغرفة بس انا سايحتها لانى مش عندى العجانة
- (ممكن تستخدمى العجانة او ايدك)
طريقة عمل *خبز البريوش او الباجيت*:
- 1- هانجيب الدقيق ونحط عليه السكر والخميرة ونقلبهم بعد كده نضرب البيضتيت ونقلبهم مع اللبن الدافئ ونضيفهم شوية شويه على على الدقيق ونضيف معاهم الملح ونفضل نعجن بعد كده نضيف الزبده ونكمل عجن لو لاقيناها سايبه مننا نضيف كوبايه الدقيق اللى كنا شايلنها لو احتجناها بقا فاكرنها
- 2- نسبها تتخمر لمده ساعتين او 3 بعد ماتتخمر نشيلها من الطبق براحة ندخل العجين من برا لجوا لحد مانلمها على بعضها
- 3- نقسمها العدد اللى احنا عايزينو انا العجينة دى اتقسمت معايا 7 كور بعد كده نفردهم زى اللى فالصورة صوابع كبيرة ونعملها ضفيرة
- 4- نجيب صنيه مستطيلة وندهنها زبدة او اى شكل نحبه وممكن مانعملهاش ضفيرة وتبقى الشكل اللى احنا عايزينه ماشى ونسبها تتخمر تانى بس تخلوا بالكم ماتغطوش الصنيه بكيس علشان العجينة لما تخمر وتيجى تشيلى الكيس ماتهبطش منك
- 5- بعد ماتتخمر وهى فالصنيه ندهن وشها (صفار بيضة وشويه لبن ورشة فانيليا) وندخلها الفرن على اعلى درجة بس نكون مسخنينو الاول ولما وشها يحمر تبقى استوت
0 التعليقات:
إرسال تعليق